Сірыйскія курды пайшлі на перамовы з Асадам

Іх сілы кантралююць прыкладна чвэрць краіны.

Палітычнае крыло ўзначаленае курдамі Сірыйскіх дэмакратычных сіл (SDF) адправілася ў Дамаск на мінулым тыдні для правядзення другога раўнда перамоў з урадам.

Пра гэта заявіў сустаршыня SDF, піша Reuters.

Дэлегацыя, сярод іх чальцы SDF, якія падтрымліваюцца ЗША, і кантралююць прыкладна чвэрць Сірыі, правяла перамовы з Дамаскам падчас першага візіту ў сталіцу.

Гэтыя візіты падкрэсліваюць намаганні курдскіх уладаў для адкрыцця новых каналаў для ўрада прэзідэнта Башара Асада, бо яны імкнуцца дамовіцца аб палітычным пагадненні, якое захавае іх аўтаномію ў Сірыі.

Перамовы маглі б таксама падняць новыя пытанні для палітыкі ЗША ў Сірыі, бо амерыканскія вайскоўцы на тэрыторыі SDF пасля апошняй бітвы супраць "Ісламскай дзяржавы" развярнулі блізу 2 000 тысяч спецназаўцаў.

SDF узначальвае курдскае апалчэнне YPG, якое пераважна пазбягае канфлікту з Асадам і заявіла, што яно накіраванае на гарантаванне правоў курдаў, а не на зрынанне ўрада.

Гэта адрознівае іх ад паўстанцкіх груповак, якія змагаюцца за зрынанне Асада з 2011 года, якія пацярпелі паразу на большай частцы тэрыторыі, што ўтрымлівалася імі раней.

Сірыйская дэмакратычная рада (SDC) пайшла на новыя перамовы аб дэцэнтралізацыі і Канстытуцыі, сказаў сустаршыня Рыяд Дарар.

"Працяглы дыялог" уключаў прапанову Дамаска аб удзеле дэ-факта аўтаномнага рэгіёну ў мясцовых выбарах у наступным месяцы.

SDC намагае на захаванні сваёй структуры кіравання і самакіравання на ўсіх будучых выбарах. Адзначаецца, што ў перамоў будуць новыя раўнды.

Дзяржаўныя чыноўнікі вынеслі на абмеркаванне пытанні, якія SDC уважае за заўчасныя. "Спачатку нам трэба дамовіцца аб выкананні паслуг, і гэта можа ўмацаваць давер паміж намі і паміж людзьмі", - сказаў сустаршыня SDF.

SDF захапілі тэрыторыі з дапамогай ЗША, хоць Вашынгтон выступае супраць іх амбіцый аб аўтаноміі. Рэгіён, які яны кантралююць, распаўсюджваецца на большую частку Паўночнай і Усходняй Сірыі, багатай сельскагаспадарчымі палеткамі, нафтай і вадой.

Дамаск кажа, што сілы ЗША з'яўляюцца акупантамі. Упершыню Асад заявіў у траўні, што ён "адкрывае дзверы" для перамоваў з SDF, але таксама пагражаў сілай і сказаў, што амерыканцы пойдуць так ці інакш.

Нядаўняя параза паўстанцаў на паўднёвым захадзе Сірыі надала Асаду кантроль над большай часткай краіны, але як мінімум трэць Сірыі застаецца па-за ўрадавым кантролем. Гэтыя раёны акупаваныя як турэцкімі, так і амерыканскімі войскамі. Асад абяцае вярнуць кантроль таксама над раёнам Ідліб, які ўтрымліваюць паўстанцы.