Фінляндыя заклікала Расею вызваліць Алега Сянцова
2- 13.08.2018, 21:45
- 9,071
ФОТА: СЯРГЕЙ ПІВАВАР/РІА НОВОСТИ
Украінскага рэжысёра падтрымліваюць ва ўсім свеце.
Фінляндыя заклікала Расею вызваліць усіх украінскіх палітычных зняволеных, а таксама даць медыцынскую дапамогу рэжысёру Алегу Сянцову, які абвясціў галадоўку.
Пра гэта гаворыцца ў паведамленні МЗС Фінляндыі ў Twitter, піша «Европейская правда».
«Кіраўнік МЗС Саіні: здароўе ўкраінскага кінарэжысёра Алега Сянцова ў турме хутка пагаршаецца. Мы чакаем, што Расея дасць яму медыцынскае лячэнне і вызваліць усіх незаконна затрыманых грамадзян Украіны», - гаворыцца ў паведамленні.
FM #Soini: Health of Ukrainian film director Oleg #Sentsov in prison is deteriorating rapidly. We expect #Russia to provide him with medical treatment and to release all illegally detained Ukrainian citizens. #FreeSentsov
— Ulkoministeriö (@Ulkoministerio) 13 августа 2018 г.
Сёння таксама міністр культуры Францыі Франсуаз Нісэн, рэжысёр Жан-Люк Годар і Кен Лоўч і іншыя вядомыя асобы ў сферы мастацтва напісалі адкрыты ліст з заклікам вызваліць Сянцова.
