Лукашэнка прагаварыўся пра рэальнае беспрацоўе ў Беларусі
23- 13.08.2018, 21:30
- 48,259
Многія беларусы вымушаныя працаваць на прадпрыемствах няпоўны дзень.
Лукашэнка ў час наведвання прадпрыемстваў у Воршы згадаў пра рэальнае беспрацоўе ў Беларусі. Ён адзначыў, што важна не толькі добраўпарадкаваць населеныя пункты, але і забяспечыць працай людзей, якія ў іх жывуць.
«А калі палічыць, дзе вы трымаеце людзей, а ў поўную нагрузку яны не працуюць. Калі рэальнае беспрацоўе паглядзець...», - цытуе словы Лукашэнкі БелТА.
На 1 жніўня ў нашай краіне было зарэгістравана 16,6 тысячы беспрацоўных. Узровень зарэгістраванага беспрацоўя складаў 0,4%. Мяркуецца, што лічбы рэальнага беспрацоўя, пра якую згадаў Лукашэнка, значна большыя.
Да прыкладу, нядаўна стала вядома аб тым, што на магілёўскім заводзе «Строммашына» працаўнікам «прапаноўваюць» перайсці на аднагадзінны працоўны дзень.