У Польшчы знізілі страхавыя ўнёскі для малога бізнэсу

Змены дадуць магчымасць ІП зэканоміць, павысіць рэнтабельнасць прадпрыемстваў і дазволяць ім хутчэй развівацца.

Прэзідэнт Польшчы Анджэй Дуда падпісаў закон, які зніжае стаўкі страхавых унёскаў для ўладальнікаў малога бізнэсу. Гэты закон тычыцца амаль 175 тысяч прадпрымальнікаў, чые штомесячныя даходы не перавышаюць у 2,5 разы мінімальны заробак, паведамляе «Радыё Польшча».

Цяпер - гэта 5250 злотых, амаль 1220 (тысяча дзвесце дваццаць еўраў).

У адпаведнасці з падпісанымі сёння нормамі закона, прадпрымальнікі будуць плаціць такі ж страхавы ўнёсак, незалежна ад іх даходу. Пасля змены закона малыя прадпрыемствы замест 1200 злотых будуць плаціць 660, гэта значыць, замест 280 - 155 еўраў. Змены не толькі дадуць магчымасць прадпрымальнікам зэканоміць сродкі і павысіць рэнтабельнасць іх прадпрыемстваў, але таксама дазволяць ім хутчэй развівацца. Нізкія стаўкі страхавых унёскаў таксама павінны садзейнічаць зніжэнню «ценявой эканомікі».

Прадпрымальнік зможа плаціць нізкія страхавыя ўнёскі цягам 3 гадоў апошніх 5 гадоў дзейнасці. Праз два гады яму давядзецца плаціць унёскі цалкам. Закон увойдзе ў дзеянне 1 студзеня наступнага года.