АПЕК: Галоўнай крыніцай новых паставак нафты стануць ЗША
4- 13.08.2018, 15:59
- 15,428
Попыт на прадукцыю картэля значна ўпадзе.
Сусветны рынак нафты рызыкуе зноў сутыкнуцца з лішкам прапановы праз імклівы рост здабычы ў краінах, якія не ўваходзяць у АПЕК.
Такую ацэнку дае картэль у штомесячным дакладзе аб здабычы і спажыванні «чорнага золата» на планеце, піша finanz.ru.
Сусветны попыт не дацягвае да першапачатковых адзнак, прызнае АПЕК: за другі квартал ён стаўся на 120 тысяч барэляў за дзень ніжэйшым за прагноз. Да канца года спажыванне будзе на 20 тысяч барэляў за дзень ніжэйшым, чым чакалася першапачаткова, а наступным годзе - на 40 тысяч.
Рост здабычы ў краінах, якія не ўваходзяць у АПЕК, пры гэтым паскараецца і цалкам перакрывае патрэбы сусветнай эканомікі, вынікае з разлікаў арганізацыі.
За год дзяржавы па-за картэлем дададуць на рынак 2 млн барэляў новых штодзённых паставак, тады як попыт павялічыцца толькі на 1,64 барэля за дзень.
Налета рост попыту замарудзіцца да 1,43 млн барэля за дзень, а здабыча за межамі АПЕК вырасце на 2,13 барэля на дзень.
У выніку месца для нафты з АПЕК на рынку стане менш: попыт на прадукцыю картэлю з 32,9 млн барэля за дзень сёлета знізіцца да 32 млн налета.
Іншымі словамі, каб збалансаваць рынак, краінам арганізацыі давядзецца скарачаць вытворчасць, якая склала ў ліпені 32,323 барэля за дзень, і губляць долю на рынку, якая ўжо апусцілася да шматгадовага мінімуму 32,8%.
Галоўнай крыніцай новых паставак стануць ЗША, дзе здабыча вырасце на 1,69 млн барэля за дзень сёлета і 1,38 млн барэля - у наступным.
Бразілія павялічыць вытворчасць сумарна на 0,51 барэля за два гады, а Канада - 0,55 млн барэля за дзень.
Акрамя таго, актыўна інвестуе ў новыя праекты, перш за ўсё афшорныя кампаніі Кітая, што зможа змяніць тэндэнцыю на падзенне здабычы, папярэджвае АПЕК. На ацэнку картэлю, вытворчасць у КНР перавысіць першапачатковы прагноз на 100 тысяч барэляў у гэтым годзе і 80 тысяч барэляў - у 2019-м.