У Турцыі пачалі расследаванне ў сувязі з падзеннем курсу ліры

Улады абвінавачваюць карыстальнікаў сацыяльных сетак.

Міністэрства ўнутраных спраў Турцыі ў панядзелак, 13 жніўня, пачало расследаванне ў дачыненні да ўладальнікаў некалькіх сотняў акаўнтаў у сацыяльных сетках за дзеянні, што пагражаюць «эканамічнай бяспецы», паведамляе газета Hurriyet (пераклад - dw.com).

Карыстальнікаў абвінавачваюць у публікацыі паведамленняў, якія «справакавалі рост» курсу даляра.

Як вынікае з заявы турэцкага МУС, расследаванне распачатае ў дачыненні да 346 акаўнтаў. Акрамя таго, Рада для расследавання фінансавых злачынстваў Турцыі (МАСАК) таксама пачаў праверку ў сувязі з публікацыяй «хлуслівых навін», мэтай якіх з'яўляецца «маніпуляванне эканомікай».

Курс ліры абрынуўся на фоне заявы прэзідэнта ЗША Дональда Трампа аб падвышэнні падаткаў на турэцкія сталь і алюміній з 25 да 50 адсоткаў. Турэцкая ліра патаннела на 14 адсоткаў у дачыненні да даляра: цяпер яна таргуецца на ўзроўні прыкладна 6,93 за 1 даляр. У сувязі з гэтым Цэнтрабанк Турцыі абвясціў аб увядзенні захадаў падтрымкі ліры, накіраваных на павелічэнне ліквіднасці банкаў.