Канстанцін Баравы: Падзенне для Пуціна будзе страшным

100 расейскіх рублёў за даляр - гэта яшчэ аптымізм.

Калі прэзідэнт Расеі Уладзімір Пуцін прадоўжыць цяперашнюю палітыку, падзенне рубля не спыніцца. Такое меркаванне выказаў 13 жніўня расейскі апазіцыянер і палітычны экспэрт Канстанцін Баравы ў відэаблогу на сваёй старонцы ў Facebook у каментары падзення курсу рубля да даляра.

«Калі Пуцін будзе заставацца ў гэтым ступарным стане, гэта значыць, нічога не рабіць, ці распачне чарговую правакацыю, усё гэта прадоўжыцца. Калі расейскія банкі больш не змогуць апераваць далярам, думаю, рынак абрынецца», - заявіў ён.

Палітычны экспэрт адзначыў, што ў расейцаў у наяўнасці больш за $40 млрд і цяпер яны пачалі выводзіць іх з рынку.

«Назапашаныя рублі здаюць ужо проста абы прынялі. Яшчэ не на вагу, як у Венесуэле, дзе тры мільёны адсоткаў інфляцыя, але ўжо за ўсякія грошы. Ужо ўведзеныя нейкія абмежавальныя захады Цэнтрабанкам для аперацый з валютай, бо абрынанне пачалося і Цэнтрабанк спрабуе рэгуляваць, стрымліваць гэты працэс. Але яму даводзіцца расплачвацца валютнымі накапленнямі», - распавёў ён.

Баравы дадаў, што Цэнтрабанк РФ фінансаваў многія праекты з грошай, якіх у яго не было, і адток укладаў праявіць гэтую сітуацыю. «Падзенне будзе страшным. Хтосьці казаў пра 100 рублёў за даляр. Баюся, што гэта аптымізм. 100-200 рублёў. Усе значна горш», - падкрэсліў ён.

Палітычны экспэрт дадаў, што людзям з невялікімі рублёвымі накапленнямі трэба хутчэй ад іх пазбаўляцца, а людзям, якія маюць даляры на рахунках, іх здымаць. «Цяпер самая зручная сітуацыя. Пакуль яна зручная», - падсумаваў ён.

8 жніўня 2018 года афіцыйная прадстаўніца Дзярждэпартаменту ЗША Хізэр Ноерт заявіла, што прынятая пастанова накласці санкцыі на Расею за выкарыстанне хімічнай зброі пры замаху на былога расейскага выведчыка Сяргея Скрыпаля ў Вялікай Брытаніі. Пасля гэтага паведамлення курс рубля знізіўся да двухгадовага мінімуму. Раніцай 13 жніўня курс рубля на Маскоўскай біржы падаў ніжэй за 69,29 руб за даляр.