«Бамбіць Варонеж»: Пуціну прапанавалі адказаць на санкцыі новымі падаткамі

Павелічэнне ПДВ разгледзелі як недастатковую меру.

На фоне нарастальнай пагрозы новых санкцыяў ЗША, якія могуць распасціраецца ад забароны на тэхналогіі і інвестыцыі ў дзяржаўную запазычанасць да поўнага адключэння Расеі ад сусветнай даляравай сістэмы, улады далей шукаць спосабы напоўніць бюджэт за кошт падвышэння падаткаў, піша finanz.ru.

Следам за павелічэннем ПДВ да 20%, якое прынясе блізу 600 млрд рублёў на год, падатковым манеўрам у нафтавай галіне, які дазволіць сабраць яшчэ 1,1 трыльёна, дадатковыя канфіскацыі можна правесці ў металургаў і хімічнай прамысловасці.

Як паведамілі Bloomberg, «Ведомости» і РБК, з такой прапановай да Уладзіміра Пуціна звярнуўся памочнік прэзідэнта Андрэй Белавусаў.

На думку Белавусава, які ўважаеца за ідэолага падвышэння ПДВ, з 14 металургічных, хімічных і нафтахімічных кампаній можна сабраць 513,66 млрд рублёў на год. Гэта звышпрыбыткі, якія тыя атрымалі праз змену «замежнай рынкавай кан'юнктуры», аргументуе Белавусаў.

«Нарнікелю», з ягоных разлікаў, можна выпісаць рахунак на 114,2 мільярда рублёў, «Алросе» - на 67,28 млдр рублёў, «Сібуру» - на 65,23 рублёў, «Северсталі» - на 43,31 рублёў .

З золатаздабывальнай кампаніі сына сэенатара Сулеймана Керымава «Полюс» прапануецца атрымаць дадаткова 58,19 рублёў.

У спісе Белавусава апынуўся нават «Мечэл», тры гады таму знаходзіўся на мяжы банкруцтва, ад якога яго выратавала толькі рэструктурызацыя завінавачанасці перад расейскімі банкамі.

Рэнтабельнасць металургаў і хімікаў істотна вышэйшая, чым у нафтагазавага сектара, тлумачыць Белавусаў: гэта стварае магчымасці для дзяржавы для канфіскацыі сыравіннай рэнты «з улікам санкцыйных абмежаванняў».

Пуцін даў даручэнне распрацаваць пытанне на ўзроўні экспэртаў і ўрада, паведаміў прэс-сакратар прэзідэнта Дзмітрый Пяскоў. Хоць сутнасць прапановы - не выклікае пытанняў, аргументацыя і механізм «абсалютна абсурдныя» і «ствараюць няслушныя сігналы для суб'ектаў эканомікі», кажа дырэктар аналітычнага дэпартамента «Локо-Інвест» Кірыл Трэмасаў.

Дэ-факта прапануецца падатак на эфектыўнасць: калі кампаніі рэалізавалі правільную інвестыцыйную стратэгію і цяпер спажываюць плады гэтай дзейнасці (напрыклад, «Северсталь»), то яны павінны аддаць значна больш, чым тыя, хто здзяйсняў стратэгічныя памылкі, тлумачыць экспэрт: такі падыход дэматывуе і фактычна заахвочвае кампаніі, якія горш працуюць.

Канфіскацыя 500 млрд рублёў раўназначна канфіскацыі траціны даходаў усіх металургаў, каментуе кіраўнік аналітычнага дэпартамента БКС Кірыл Чуйко: гэта ўдарыць па іх магчымасцях інвеставаць у мадэрнізацыю і падтрыманне магутнасцяў.