Ілля Івашка ўпершыню ў кар'еры увайшоў у топ-100 сусветнага рэйтынгу тэнісістаў
- 13.08.2018, 11:01
- 5,714
24-гадовы мянчук набраў 559 балаў.
Беларускі тэнісіст Ілля Івашка ўпершыню ў кар'еры увайшоў у першую сотню сусветнага рэйтынгу, паведамляе БелТА.
Тыдзень таму 24-гадовы мянчук займаў 125-ю пазіцыю, а затым дабраўся да 1/8 фіналу прэстыжнага турніру ў канадскім Таронта і замкнуў топ-100 рэйтынгу Асацыяцыі тэнісістаў-прафесіяналаў (АТР), набраўшы 559 балаў.
Беларус Уладзімір Ігнацік (270 балаў) знаходзіцца на 209-м месцы, Ягор Герасімаў (210) займае 264-ю пазіцыю. Узначальвае рэйтынг гішпанец Рафаэль Надаль, які ў Таронта здабыў свой 80-ы чэмпіёнскі тытул у кар'еры.
Топ-10 рэйтынгу АТР:
1. Рафаэль Надаль (Гішпанія) - 10220 ачкоў,
2. Роджэр Федэрэр (Швайцарыя) - 6480,
3. Хуан Марцін Дэль Потра (Аргентына) - 5410,
4. Аляксандр Звераў (Нямеччына) - 4845,
5. Рыгор Дзімітроў (Балгарыя) - 4700,
6. Кевін Андэрсан (ПАР) - 4535,
7. Марын Чыліч (Харватыя) - 4085,
8. Дамінік Цім (Аўстрыя) - 3665,
9. Джон Ізнер (ЗША) - 3505,
10. Новак Джокавіч (Сербія) - 3445.
У рэйтынгу Жаночай тэніснай асацыяцыі (WTA) беларуска Арына Сабаленка займае 34-е месца (1405 балаў), Аляксандра Сасновіч на 36-м радку (1363), у Веры Лапко 66-я пазіцыя (879), Вікторыя Азаранка знаходзіцца на 87-м месцы (761).
На гэтым тыдні трое з іх возьмуць старт на турніры катэгорыі "Прэм'ер" у амерыканскім Цынцынаці. У першым раўндзе Вікторыя Азаранка сустрэнецца з гішпанкай Карлай Суарэс Навара (27), Аляксандра Сасновіч згуляе са славачкай Вікторыяй Кузьмовай (56), Арына Сабаленка будзе спаборнічаць з брытанкай Ёханай Контай (39).
Топ-10 рэйтынгу WTA:
1. Сімона Халеп (Румынія) - 8061,
2. Каралін Вазняцкі (Данія) - 6135,
3. Слоан Стывенс (ЗША) - 5727,
4. Ангеліка Кербер (Нямеччына) - 5255,
5. Каралін Гарсія (Францыя) - 4680,
6. Петра Квітава (Чэхія) - 4550,
7. Эліна Світоліна (Украіна) - 4470,
8. Гарбін Мугуруса (Гішпанія) - 4400,
9. Караліна Плішкова (Чэхія) - 4395,
10. Юлія Гергес (Нямеччына) - 3905.