У Крычаўскім раёне атруціліся супрацоўнікі прадпрыемства ў вырошчванні грыбоў

Некаторыя з пацярпелых знаходзяцца ў рэанімацыі.

У Крычаўскім раёне атруціліся супрацоўнікі прадпрыемства ў вырошчванні грыбоў шыітаке. Некаторыя з пацярпелых знаходзяцца ў рэанімацыі. Пра гэта ў рэдакцыю tut.by паведамілі чытачы. Гэтую інфармацыю пацвердзілі ў Крычаўскай цэнтральнай раённай лякарні.

Інцыдэнт адбыўся на прадпрыемстве «Інфэн», яно знаходзіцца на тэрыторыі перадыслакаванай вайсковай часткі ў Крычаўскім раёне.

Цяпер у Крычаўскай цэнтральнай раённай лякарні знаходзяцца 4 пацярпелыя супрацоўнікі гэтага прадпрыемства.

– У нас толькі моцна цяжкія, у іх тэмпература, алергія, некаторыя знаходзяцца ў рэанімацыі. А так ідуць праз паліклініку, амбулаторнае лекаванне, – удакладнілі ў лякарні.

Яўгенія Шаўцова, стараста ў аграгарадку Красная Буда, які знаходзіцца недалёка ад прадпрыемства ў вырошчванні грыбоў, апавяла, што праблемы са здароўем у супрацоўнікаў «пачаліся 3-4 дні таму».

– Мая суседка, якая працуе на гэтым прадпрыемстве, цяпер знаходзіцца ў рэанімацыі цэнтральнай раённай лякарні Крычава, – зазначае жанчына.

Паводле ейных словаў, на прадпрыемстве працуе «нямала жыхароў блізкіх населеных пунктаў».

Звязацца аператыўна з прадпрыемствам для атрымання каментара не атрымалася.

Адзначым, што прадпрыемства ў вырошчванні грыбоў шыітаке ў ліпені сёлета на тэрыторыі перадыслакаванай вайсковай часткі ў Крычаўскім раёне ў ліпені запусцілі кітайцы – Цзянсунская карпарацыя ў замежным супрацоўніцтве (JOC). На новым прадпрыемстве планавалася стварыць блізу 100 працоўных месцаў, а грыбы збіраліся пастаўляць на кітайскі і беларускі рынкі.