Што можна і што нельга перасылаць у міжнародных паштовых адпраўленнях

Пасылкі з замежных інтэрнэт-крамаў даўно сталі часткай жыцця кожнага жыхара краіны.

Віцебская мытня праводзіць лікбез для «Віцебскага кур'ера» ў некаторых асаблівасцях перасылкі тавараў для асабістага карыстання ў міжнародных паштовых адпраўленнях (далей – МПА).

Што можна перасылаць у МПА?

Цягам каляндарнага месяца дазваляецца бязмытная перасылка ў МПА на адрас аднаго атрымальніка тавараў для асабістага карыстання, кошт якіх не перавышае суму, эквівалентную 22 еўрам, і агульная вага ў сукупнасці не перавышае 10 кілаграмаў.

У выпадку перавышэння названай нормы бязмытнага ўвозу неабходна заплаціць мыты паводле адзінай стаўкі 30% ад іх мытнага кошту, але не менш як 4 еўры за 1 кг.

Таксама пры выпуску пры выплаце мытаў падпадаюць пад выплату мытныя зборы за ажыццяўленне мытных аперацый, памер якіх складае ў эквіваленце 10 рублёў.

Што нельга перасылаць у МПА?

Пастановай Камісіі Мытнага звязу ад 17 жніўня 2010 г. № 338 «Аб асаблівасцях перасылкі тавараў у міжнародных паштовых адпраўленнях» вызначаны пералік тавараў, перасылка якіх у МПА забароненая. Да іх адносяцца:

– любыя віды зброі (іх часткі), патроны, выбуховыя рэчывы;

– хуткапсавальныя тавары;

– алкагольная прадукцыя і этылавы спірт, піва;

– любыя віды тытунёвых вырабаў і курыльныя сумесі;

– каштоўныя камяні ў любым выглядзе і стане і прыродныя алмазы, за выключэннем ювелірных вырабаў;

– наркатычныя сродкi, псiхатропныя рэчывы i iх прэкурсоры ў любым выглядзе і стане і г.д.

Даведачна: асаблівасці здзяйснення мытных аперацый у дачыненні да тавараў для асабістага карыстання, якія перасылаюцца ў МПА, вызначаны ўказам Лукашэнкі ад 21 ліпеня 2014 г. №360 са зменамі і дапаўненнямі.

Больш падрабязна з правіламі перамяшчэння тавараў у МПА можна пазнаёміцца на Адзіным інтэрнэт-партале мытных органаў Беларусі www.customs.gov.by.