Названыя найлепшыя еўрапейскія сталіцы для рэлаксу на выходныя
1- 11.08.2018, 13:59
- 12,510
Гарадскія падарожжы на некалькі дзён становяцца ўсё больш папулярнымі.
Капенгаген, Люксембург і Талін узначалілі рэйтынг найбольш «рэлаксацыйных» еўрапейскіх сталіцаў, дзе можна спакойна адпачыць у кароткім падарожжы. У топ-5 апынуліся таксама Хельсінкі і Заграб, паведамляе «Еўрапульс».
Рэйтынг European Relaxation Index складзены турыстычным сайтам Spa Seekers паводле пяці асноўных крытэрыяў: узровень шчасця мясцовых жыхароў, шчыльнасць насельніцтва, даступнасць грамадскага транспарту, даўжыня берагавой лініі ў непасрэднай блізкасці і агульны ўзровень жыцця. Акрамя таго, складальнікі рэйтынгу прымалі да ўвагі загружанасць найбліжэйшага аэрапорта.
Высветлілася, што ў Хельсінкі самыя шчаслівыя жыхары, у Капенгагене самы высокі ўзровень жыцця, а гарадскім транспартам больш за ўсё задаволеныя люксембуржцы.
Як адзначаюць складальнікі, гарадскія падарожжы на некалькі дзён становяцца ўсё больш папулярнымі за апошні час.