Reuters: РФ прыпыніла бязмытную пастаўку нафтапрадуктаў Беларусі ды крэдыты

Расея ініцыюе абмежаванне бязмытных паставак нафтапрадуктаў у Беларусь.

Для дасягнення гэтай мэты РФ прыпыніла выдачу Менску крэдытаў ЕФСР і перамовы па дзяржкрэдыту на $1 млрд. Аб гэтым паведамляе Reuters са спасылкай на пратакол змяненняў да двухбаковай міжурадавай дамовы і тлумачальную запіску «Белнафтахіма», піша interfax.by.

«Расейскі бок ініцыяваў спыненне практыкі бесперашкоднага вывазу з Расейскай Федэрацыі ў Рэспубліку Беларусь нафтапрадуктаў, матывуючы гэта стратамі расейскага бюджэту ў варунках павелічэння аб'ёму іх вывазу», - гаворыцца ў тлумачальнай запісцы да пратакола змяненняў міжурадавай дамовы намесніка старшыні «Белнафтахіма» Андрэя Рыбакова, якую цытуе Рэйтэр.

З гэтай прычыны «часова заблакаванае пералічэнне Беларусі дзвюх ратаў крэдытнай лініі ЕФСР (Еўразійскай фонду стабілізацыі і развіцця), у ліпені 2018 года прыпыненая выплата паводле так званага механізма паўторнай мытнай рэгістрацыі, а таксама прыпыненая работа ў выдачы ў 2019 годзе Беларусі дзяржкрэдыту да $1 мільярда».

Паводле звестак Рэйтэр, Масква намагае на кампенсацыі за раней пастаўленыя ў Беларусь нафтапрадукты. «Аднаўленне далейшага супрацоўніцтва...расейскі бок увязвае з развязаннем пытання ўстанаўлення забароны на вываз нафтапрадуктаў з РФ у Рэспубліку Беларусь і кампенсацыі страт расейскага бюджэту за раней вывезеныя нафтапрадукты», - адзначаецца ў запісцы Рыбакова.

У Мінфіне Беларусі адмовіліся ад каментароў на гэтую тэму. У прэс-службе Савета міністраў Беларусі таксама не каментуюць паведамленне.

Са звестак Рэйтэр, паводле паправак да двухбаковай міжурадавай дамовы, падрыхтаванай супольнай рабочай групай для зацвярджэння ўрадамі абедзвюх краін, у дакумент прапануецца ўвесці індыкатыўны баланс паставак нафтапрадуктаў: аўтабензінаў, дызельнага паліва, топачнага мазуту, а таксама СУГ, які ўзгадняюць установы дзяржаў да 1 кастрычніка кожнага існага года на наступны каляндарны год.

Новая версія міжурадавай дамовы прадугледжвае ўвядзенне забароны на экспарт нафты, нафтапрадуктаў і іншых тавараў, якія перавышаюць аб'ёмы індыкатыўна балансу.

Забарона на вываз з Расеі ў Беларусь распаўсюджваецца на тавары, на якія ўзгодненыя індыкатыўныя балансы, а таксама на прамагонны бензін, сярэднія дыстыляты і цёмныя нафтапрадукты - з 1 верасня 2018 года; на іншыя тавары (СУГ, бітум, бензол і іншыя) - з 1 кастрычніка 2018 года.

Паводле звестак Белстата, Беларусь у студзені-траўні 2018 года імпартавала з РФ нафтапрадуктаў на $677,6 млн, што ў 1,9 разы больш у параўнанні з аналагічным перыядам 2017 года. Імпарт нафты вырас на 37,6% да $2,8 млрд.

У адпаведнасці з міжурадавымі дамоўленасцямі, Беларусь дэ-юрэ можа імпартаваць з РФ 24 млн тон нафты на год. Пры гэтым дэ-факта Менск увозіць 18 млн тон нафты для перапрацоўкі. Бакі дамовіліся, што экспартныя падаткі на астатнія 6 млн тон будуць накіроўвацца ў беларускі бюджэт. У Менску называюць гэтую схему паўторнай мытнай рэгістрацыяй.

У 2016 годзе Савет Еўразійскай фонду стабілізацыі і развіцця (ЕФСР) прыняў пастанову аб выдачы Беларусі фінансавага крэдыту на $2 млрд у выглядзе сямі ратаў у 2016-2018 гадах. Менск атрымаў пяць ратаў на $1,6 млрд. Дзве раты па $200 млн дагэтуль не выдадзеныя.

Таксама Беларусь раней ініцыявала перамовы з РФ аб выдачы чарговага дзяржкрэдыту на суму да $1 млрд для рэфінансавання раней прыцягнутых у Расеі сродкаў, аб'ём якіх складае блізу $6,3 мільярда (больш за 38% агульнага аб'ёму вонкавай дзяржаўнай пазыкі Беларусі).