Carlsberg купіць яшчэ 10,5% акцый «Аліварыі»

Данійцы плануюць павялічыць сваю дзель у піваварнай кампаніі.

9 жніўня Baltic Beverages Holding AB, уладальнікам якой з'яўляецца міжнародная кампанія Carlsberg Group, выставіў заяўку на куплю 12 849 простых акцый ААТ «Піваварная кампанія Аліварыя», піша belmarket.by.

Такім чынам, Carlsberg прэтэндуе на 10,5% простых акцый.

Нагадаем, што ў 2011 Carlsberg Group, у выніку шэрагу ўгод павялічыла сваю дзель у статутным фондзе «Аліварыі» да 67,8%, стаўшы ўладальнікам кантрольнага пакета акцый.

Даход піўзавода ў 2017 годзе вырас на 9,9% да 146,8 млн рублёў, прыбытак ад продажу прадукцыі павялічылася на 6,9% да 27,3 млн рублёў. У першым квартале 2018 года ўдзельная вага «Аліварыі» на рынку Беларусі павялічылася да 29,3%.