У Румыніі перакуліўся аўтобус з беларускімі дзецьмі
1- 9.07.2018, 9:57
- 13,479
Дзеці са Жлобіна ехалі адпачываць у Балгарыю.
Фота і відэа з месца здарэння з'явіліся ў супольнасці «Добры Жлобін» у «Вконтакте», піша сайт тэлеканала «Белсат».
Аварыя адбылася 8 ліпеня позна ўвечары. Кіроўца не справіўся з кіраваннем, аўтобус вылецеў у кювет і перакуліўся. У салоне знаходзіліся 50 чалавек - 43 дзіцяці і 7 дарослых.
Паводле папярэдняй інфармацыі, усе жывыя, і цяжка траўмаваных няма. 16 дзяцей і аднаго педагога забралі ў шпіталь.
У каментары да фота напісана, што ў дзяцей забралі тэлефоны, каб ніхто не здымаў відэа і не рабіў здымкаў.
У відэа, якое з'явілася пад допісам, жанчына кажа, што трэба выйсці ў інтэрнэт і паведаміць аб тым, што здарылася. На гэта адзін з пацярпелых адказвае, што ўсе бацькі ведаюць, што ўсе жывыя, бо ім ужо патэлефанавала «цётачка».