Кіраўнік Федэрацыі футбола Украіны: Многія патрыёты Украіны адчувалі сябе трошкі харватамі
6- 8.07.2018, 17:10
- 12,354
У чвэрцьфінале турніру харваты выбілі гаспадыню мундыялю Расею.
Прэзідэнт Федэрацыі футбола Украіны Андрэй Павелка на сваёй старонцы ў «Фейсбуке» павіншаваў кіраўніка Харвацкага футбольнага саюза Давора Шукера з выхадам нацыянальнай каманды ў паўфінал ЧС-2018. У чвэрцьфінале турніру харваты выбілі гаспадыню мундыялю Расею.
- Віншую майго харвацкага калегу і сябра Давора Шукера з перамогай і выхадам нацыянальнай каманды Харватыі ў паўфінал чэмпіянату свету - 2018! Многія патрыёты Украіны відавочна адчувалі сябе трошкі харватамі.
Дарэчы, у чацвёрцы найлепшых футбольных каманд свету нацыянальная каманда Харватыі апошнім разам была ў 1998 годзе, калі ў яе складзе зіхацеў Давор Шукер, - напісаў Андрэй Павелка.