Фотафакт: Прэзідэнт Харватыі прыляцела на пераможную гульню чартарным рэйсам
10- 8.07.2018, 11:08
- 20,470
Прэзідэнт еўрапейскай краіны падарожнічае разам з заўзятарамі.
Прэзідэнт Харватыі Калінда Грабар-Кітаравіч прыляцела напярэдадні на чвэрцьфінальны матч паміж камандамі Расеі і Харватыі са звычайнымі заўзятарамі.
У аэрапорце яе сустрэў губернатар Краснадарскага краю.
- Яна ляцела з намі ў самалёце, была ў футболцы нашай каманды. Яна вельмі дэмакратычная, і гэта нармальна, што прэзідэнт падарожнічае разам з заўзятарамі, - заявіў РІА «Новости» адзін з харвацкіх заўзятараў.
Прэзідэнт Грабар-Кітаравіч, якая таксама прысутнічала і на матчы 1/8 фіналу паміж Харватыяй і Даніяй (прычым кіраўніца дзяржавы размясцілася не ў віп-ложы, а на трыбуне сярод простых заўзятараў), пацвердзіла, што прыляцела ў Сочы звычайным рэйсам.