Знойдзены спосаб зэканоміць на браняванні авіяквіткоў
- 7.07.2018, 12:41
- 9,906
Эксперты брытанскага сэрвісу Which? Travel выкрылі авіякампаніі ў завышэнні коштаў на квіткі пры браняванні праз смартфон.
Адпаведныя звесткі апублікаваныя на сайце партала.
Напрыклад, пры набыцці з дапамогай гаджэта авіяперавознікі Ryanair і TUI спаганяюць з кліентаў дадатковыя 20 фунтаў, Easyjet – 15 фунтаў, а British Airways – 10 фунтаў, паведамляе ria.ru.
Пры гэтым адзначаецца, што кампаніі, якія не ставяць завышаныя кошты пры браняванні са смартфона, часцяком уводзяць афіцыйны камісійны збор, які дадаецца да выніковага кошту квітка.
У прэс-службах авіяперавознікаў растлумачылі, што ўвядзенне больш высокіх коштаў для кліентаў, якія набываюць квіток праз прыкладанне, звязанае з адміністрацыйнымі выдаткамі і параілі ажыццяўляць браняванне праз вэб-версію.