У Берасці невядомыя падпалілі вянкі ў парку Воінаў-інтэрнацыяналістаў

Інцыдэнт адбыўся сёння ноччу.

У Берасці невядомыя падпалілі вянкі ў парку Воінаў-інтэрнацыяналістаў, паведаміў БелТА афіцыйны прадстаўнік УУС аблвыканкама Сяргей Дучэнка.

Інцыдэнт адбыўся сёння ноччу. У 1.25 на лінію 102 патэлефанавала жанчына. Яна праходзіла міма парку і ўбачыла, што гараць вянкі ля помніка. На месца выехалі ратавальнікі, якія ў лічаныя хвіліны патушылі пажар.

Агнём знішчаны вянкі, пашкоджаны памятны знак з кампазітных матэрыялаў. Шкода і прычына пажару высвятляецца.

"Паводле факту праводзіцца праверка, вызначаюцца асобы, датычныя да здарэння", – сказаў Сяргей Дучэнка.