Самалёт з прэм'ер-міністрам Польшчы зламаўся пры ўзлёце

Непаладкі выявілі, калі паветранае судна ўжо выехала на ўзлётна-пасадачную паласу.

Прэм'ер-міністр Польшчы Матэвуш Маравецкі не змог вярнуцца з Чэхіі праз тое, што на самалёце ўзніклі тэхнічныя непаладкі, паведамляе Gazeta Prawna са спасылкай на прадстаўніцу польскага ўрада Іаану Капчыньску.

«Узлёт быў спынены праз тэхнічную няспраўнасць самалёта», - сказала яна. Капчыньска не стала называць канкрэтныя прычыны інцыдэнту.

Як адзначае выданне Jastrzab Post, непаладкі выявілі, калі самалёт ужо выехаў на ўзлётна-пасадачную паласу. Усіх пасажыраў паветранага судна Embraer 175 эвакуявалі, ніхто з іх не пацярпеў. Цяпер польская дэлегацыя чакае новы самалёт.