Дыетолагі вызначылі дзённую норму гародніны для чалавека
2- 2.07.2018, 12:48
- 13,347
Фіксаваная норма дапаможа палепшыць працу арганізма.
Навукоўцы правялі экспэрымент з добраахвотнікамі і высветлілі: штодзённае ўжыванне гародніны не павінна быць ніжэйшым за пэўны ўзровень, піша ladyhealth.com.
Чалавек павінен з'ядаць фіксаваную дзённую норму гародніны, калі ён хоча палепшыць стан мікрабіёма кішэчніка і за кошт гэтага пазбегнуць рака і дыябету, - такая выснова экспэртаў.
Падчас экспэрыменту добраахвотнікі павінны былі пільнавацца дыеты, багатай на валокны, - гэта значыць, актыўна ўжываць раслінныя прадукты. Са слоў аднаго з аўтараў навуковага даследавання Дзмітрыя Аляксеева, нават нястрогае захаванне такога прынцыпу ў харчаванні ўжо праз два тыдні прывядзе да пазітыўных змен у паказчыках кішачнай мікрафлоры людзей.
Навукоўцы высветлілі, колькі менавіта гародніны павінен з'ядаць чалавек для паляпшэння кішачнай мікрабіёты. З іх словаў, ужываючы кожны дзень мінімум 30 грамаў харчовых валокнаў, якія змяшчаюцца ў гародніне, можна дамагчыся значнага аздараўлення арганізма і пакончыць з многімі праблемамі, звязанымі з дрэнным страваваннем.
Цяперлюдзі недаатрымліваюць неабходную норму мікраэлементаў і ўжываюць недастаткова гародніны, са шкадаваннем канстатавалі спецыялісты.