Авіяпасажыр зняў на відэа катастрофы свайго самалёта
2- 18.07.2018, 18:33
- 37,185
Падарожнік сядзеў у раёне левага крыла, калі рухавік самалёта загарэўся.
Пасажыр авіялайнера, які разбіўся ў Паўднёвай Афрыцы 10 ліпеня, зняў падзенне на відэа, паведамляе News.com.au. Падарожнік сядзеў у раёне левага крыла, калі рухавік самалёта загарэўся.
«Становіцца ўсё горш і горш. Усё становіцца вельмі дрэнна», - кажа мужчына за кадрам. Яшчэ адзін чалавек раіць прышпіліцца. Нягледзячы на ўдар самалёта аб зямлю, запіс відэа працягнуўся, хоць на некаторы час выява стала чорнай.
Затым ў кадры з'явіўся задымлены салон лайнера і пачуліся стогны пасажыраў.
У выніку катастрофы самалёта загінулі два чалавекі, 18 чалавек атрымалі траўмы рознай ступені цяжкасці.