ЕЗ распачаў праверку гатоўнасці Македоніі і Албаніі для перамоваў аб уступленні ў Еўразвяз
- 18.07.2018, 12:10
- 6,323
Дзвюм краінам было выстаўленае некалькі ключавых умоў.
Еўрапейскі Звяз пачаў працэс праверкі гатоўнасці Македоніі і Албаніі для пачатку перамоў для ўступлення ў блок, паведамляе «Европейская правда».
Пра гэта паведаміў еўракамісар у пытаннях пашырэння і палітыкі суседства Ёханэс Хан падчас візіту ў Скоп'е.
«Сёння мы афіцыйна пачалі працэдуру праверкі з Македоніяй і Албаніяй, вызначыўшы шлях для адкрыцця перамоў аб уступленні налета. Большая матывацыя працягваць і інтэнсіфікаваць рэформы!», - напісаў Хан у Twitter.
Great day for me as #Enlargement Commissioner+ good news f. #citizens of the countries concerned: t’day we launched officially the #screening process w/ 🇲🇰 + 🇦🇱, setting the path f. opening #accession negotiations next year. A big motivation to continue+ intensify #reforms! pic.twitter.com/jy0FgE7M2M
— Johannes Hahn (@JHahnEU) 17 июля 2018 г.
Працэс праверкі абавязвае Македонію і Албанію мабілізаваць усе свае магчымасці для выканання перадумоў для афіцыйнага пачатку перамоў аб уступленні ў ЕЗ.
Дзвюм краінам было выстаўлена некалькі ключавых умоў, напрыклад, заканчэнне судовых рэформаў, актыўнае расследаванне і вынясенне прысудаў у справах аб карупцыі на высокім узроўні, рэформы сектараў выведкі і бяспекі і рэформа ў сферы дзяржаўнага кіравання.
У канцы чэрвеня міністры замежных спраў краін ЕЗ адклалі пачатак перамоваў аб уступленні з Албаніяй і Македоніяй да лета 2019 года праз нязгоду Францыі, Нідэрландаў і Даніі.
Міністры вызначылі, што дадуць «зялёнае святло» пачатку перамоваў у наступным годзе, а не цяпер, як гэтага хацела Грэцыя на фоне гістарычнага пагаднення аб змене назвы Македоніі.
Нідэрланды, напрыклад, намагаюць, што для пачатку перамоў аб сяброўстве ў ЕЗ змены назвы недастаткова, а краіны павінны адказваць двум базавым крытэрам вяршэнства права і адміністрацыйнай здольнасці для пачатку перамоваў.
У той жа час, Македонія ўжо атрымала згоду ад лідараў Паўночнаатлантычнага альянсу на саміце ў Брусэлі аб адкрыцці перамоваў аб чаленстве ў NATO.