На чым гатовыя эканоміць беларусы?

Сярод фактараў, якія выклікаюць найбольшую занепакоенасць беларусаў - камунальныя аплаты.

Пра гэта гаворыцца ў даследаванні спажывецкага даверу The Conference Board® Global Consumer Confidence ™ Survey, падрыхтаванага ў супрацоўніцтве з Nielsen, якое апублікаваў marketing.by.

Паказчык індэкса спажывецкага даверу складваецца з трох індыкатараў: успрымання спажыўцамі перспектыў на рынку працы, ацэнкі ўласнага фінансавага становішча і ступені гатоўнасці марнаваць грошы. Значэнне індэкса, вышэйшае за 100 пунктаў, дазваляе аднесці спажыўцоў краіны да групы аптымістычна настроеных, значэнне, ніжэйшае за 100 пунктаў, сведчыць пра перавагу песімістычна настроеных. Аптымізм ці песімізм спажыўцоў наўпрост уплывае на іх жаданне і гатоўнасць марнаваць грошы.

Паводле звестак Nielsen, Беларусь зрушылася з 2-га на 4-е месца сярод найбольш песімістычна настроеных краін у свеце. Мясцовыя спажыўцы ў 1 квартале ўважалі, што цяпер больш зручны час здзяйсняць пакупкі. Сярод фактараў, якія выклікаюць найбольшую занепакоенасць беларусаў - камунальныя аплаты, відавочна звязаныя са сталым ростам сум у рахунках за кватэрную плату, і здароўе.

Сярод асноўных спосабаў эканоміі беларускіх спажыўцоў - скараціць выдаткі на забавы па-за домам (трывожны званочак для сферы забавак) і эканомія на новым адзенні. Пры гэтым беларусы плануюць перайсці на больш танныя брэнды.