Мінздраў-гейт: Чаму не чапаюць Жарко?

Дыктатар так і не выказаўся паводле рэзананснай «справы медыкаў».

Агучваюцца падрабязнасці нашумелай «справы дактароў», але Лукашэнка прадаўжае маўчаць на гэтую тэму. Чаму? Выданне udf.by звярнулася да экспэртаў.

Палітолаг Лагвінец: Лукашэнка адчувае, што людзі побач з ім звязаныя з карупцыйнай схемай.

Палітолаг і заснавальнік грамадскага руху «Дзея» Алесь Лагвінец мяркуе, што сілавікі не сталі б раскручваць справу супраць карупцыянераў у медыцыне без санкцыі дыктатара. На ягоную думку, рана ці позна Лукашэнка выкажацца на гэтую тэму, хоць пакуль і абыходзіць яе бокам.

«Лукашэнка адчувае, што Людзі побач з ім, у тым ліку цяперашні віцэ-прэм'ер Васіль Жарко, так ці інакш звязаныя з гэтай справай. Таму для яго гэта надта непрыемная сітуацыя», - мяркуе Алесь Лагвінец.

У пачатку года ў адстаўку былі адпраўленыя міністры спорту і лясной гаспадаркі - за тое, што іх падначаленыя папаліся на карупцыі. Чаму ж дагэтуль не звольнены Васіль Жарко, бо абвінавачаныя ў карупцыі пачалі працаваць у ягоную бытнасць міністрам аховы здароўя?

«Выглядае на тое, што тут вельмі моцны персанальны чыннік для Лукашэнкі. Жарко – асоба, надта блізкая ды кіраўніка дзяржавы. Калі ён і праўда хросны бацька Мікалая, то для Лукашэнкі гэта відавочна стрымліваючы момант», - сказаў палітолаг.

Пры гэтым Алесь Лагвінец мяркуе, пастанова аб адстаўцы Васіля Жарко ўжо прынятая, ці, прынамсі, абмяркоўваецца. Але наўрад ці чыноўнік апынецца на абочыне.

«Гэты чалавек застанецца ў абойме прэзідэнта ў той ці іншай форме. Галоўнае - не кваліфікацыя І прыстойнасць, а асабістая лаяльнасць», - упэўнены Алесь Лагвінец.

Палітолаг мяркуе, што гучны скандал у Міністэрстве аховы здароўя не зменіць сітуацыю з парушэннямі падчас дзяржзакупак - для гэтага патрэбныя радыкальныя рэформы. Пакуль роля дзяржавы ў краіне застаецца вельмі вялікай, і значная частка нацыянальнага прыбытку размяркоўваецца праз бюджэт, дзяржзакупы застануцца сферай, дзе чыноўнікі будуць спрабаваць урваць сабе кавалак рознымі шляхамі.

«Чыноўнікі ўспрымаюць сваё пасады як дзялку для кармлення», - сказаў Алесь Лагвінец.

Эканаміст Марголін: Умоваў для барацьбы з карупцыяй няма

Эканаміст Леў Марголін мяркуе, што скандал у Міністэрстве аховы здароўя не прывядзе да якіх-небудзь змен у краіне.

«Як пачалі раскручваць справу ў сферы медыцыны, сапраўды гэтак жа можна было пачаць раскручваць справы ва ўсіх іншых сферах. Карупцыя ў Беларусі, на жаль, расце і квітнее», - сказаў эканаміст.

На ягоную думку, у Беларусі няма галоўных умоў для барацьбы з карупцыяй. Адсутнічае рынкавая эканоміка і свабодная канкурэнцыя. Адсутнічае фактычна свабодная прэса, якая магла б трымаць руку на пульсе чыноўнікаў. Кіраўнікі ў многіх выпадках маюць права развязваць пытанні на сваё меркаванне і адчуваюць усеўладдзе.

«Пройдзе гэты карупцыйны скандал, і я думаю, што нават у медыцынскай галіне наўрад ці нешта зменіцца», - мяркуе Леў Марголін.

Чаму Лукашэнка не каментуе гучныя затрыманні медыкаў? Эканаміст мяркуе, што кіраўнік Беларусі такім чынам спрабуе паказаць, што гэта ўсё ж не сістэмная праблема, а парушэнні з боку адной групы.

Што тычыцца будучыні Васіля Жарко, эканаміст думае, што карупцыйны скандал можа не перашкодзіць яму застацца на пасадзе. Чыноўнік ўжо казаў, што нічога не ведаў аб парушэннях. І ён ужо дастаткова даўно не працаваў міністрам аховы здароўя.