Пуцін ліквідаваў ЗАТУ ў горадзе Шыханы, дзе мог быць распрацаваны «Навічок»

The Times сцвярджае, што менавіта там быў выраблены «Навічок».

Прэзідэнт Расеі Уладзімір Пуцін падпісаў указ аб скасаванні закрытага адміністрацыйна-тэрытарыяльнага ўтварэння ў горадзе Шыханы Саратаўскай вобласці, паведамляе «Медуза».

У ЗАТУО ў Шыханах, паводле звестак The Times, быў выраблены «Навічок», якім атруцілі Сяргея і Юлію Скрыпаль.

Былы кіраўнік дзяржкамісіі хімічнага раззбраення, паўнамоцны прадстаўнік прэзідэнта РФ у Прыволжскай федэральнай акрузе Міхаіл Бабіч заяўляў, што ў Шыханах хімічная зброя ніколі не захоўвалася.