«Першы раз, ці што, без дырэктара?»

Што кажуць на шклозаводзе «Нёман» аб затрыманні кіраўніка.

«На працу наш гендырэктар не выйшаў 12 ліпеня. Напэўна тады яго і затрымалі», - кажуць супрацоўнікі шклозавода «Нёман». Уладзіміра Аутку, нагадаем, абвінавачваюць у тым, што ён браў хабар «за арганізацыю своечасовых і прыярытэтных паставак фірме шклаваты паводле раней укладзенай дамове». Гэта прадукцыя, кажуць на прадпрыемстве, не залежвацца на складах - у адрозненне ад традыцыйных шкляных вырабаў.

Нягледзячы на тое, што крэсла дырэктара часова пустуе, Уладзімір Аутка ўсё яшчэ ўважаецца кіраўніком. Разам з ім, нагадаем, быў затрыманы і начальнік аднаго з упраўленняў прадпрыемства.

Паводле звестак міліцыі, службовыя асобы атрымалі хабару ад прадстаўніка камерцыйнай структуры сумаю 2,4 тысячы і 1,2 тысячы даляраў адпаведна. Прычым атрымлівалі на сістэмнай аснове. Сума ўзнагароджання залежала ад аб'ёму прадукцыі, што рэалізуецца. Следчы камітэт распачаў паводле гэтага факту крымінальныя справы.

- Ён [Аутка] добры чалавек і строгі кіраўнік. Года ў нас не прапрацаваў. Казалі, што яго да нас спецыяльна запрасілі - маўляў, пісьменны спецыяліст. Пры ім своечасова сталі плаціць і заробак, і аванс. І нават адпускныя перад адпачынкам, а не пасля, як было раней. Абяцаў нам да новага года заробак падняць, - кажуць tut.by супрацоўнікі прадпрыемства.

- Неяк пракаментаваць затрыманне дырэктара мы не можам. Спадзяёмся, што следства разбярэцца ў гэтай сітуацыі. Рэакцыя адна - разгубленасць, - прызнаецца галоўны інжынер прадпрыемства Юрый Кісляк.

- Працуе завод, як і працаваў. Першы раз, ці што, без дырэктара застаемся? Труба на шклаваце дыміць. Адпускныя людзі атрымалі. Заробак пакуль яшчэ не ўвесь атрымалі, што, вядома, у гэтай сітуацыі трохі нервуе. Пра новага дырэктара нічога пакуль не чуваць, - распавядае адна з супрацоўніц завода.

Уладзімір Аутка - сапраўды не першы дырэктар шклозавода, у дачыненні да якога распачынаецца крымінальная справа. Цэх вытворчасці шклаваты быў запушчаны некалькі гадоў таму за іншым кіраўніком - Ігарам Бацянам. Па ідэі, выпуск гэтай прадукцыі павінен быў падтрымаць прадпрыемства на паверхні. У адкрыццё новага цэха ўклалі 65 млн еўраў. Не абышлося і без скандалу: шклавату павінны былі пачаць выпускаць яшчэ ў 2011 годзе, але планы сарваліся. Італьянская кампанія - пастаўшчык абсталявання свае абавязанні не выканала, а пералічаныя ёй грошы прапалі. У 2014 годзе СК распачаў крымінальныя справы паводле факта прычынення шкоды заводу і злоўжывання службовымі паўнамоцтвамі службовымі асобамі.

Калектыў ліхаманіла, Ігар Бацян і зусім кардынальна змяніў сферу дзейнасці - у 2017 годзе ён стаў начальнікам аднаго з аддзелаў Беларускай федэрацыі хакея.

Уладзімір Аутка стаў кіраўніком шклозавода «Нёман» у жніўні таго ж, 2017 года. Ён - ураджэнец Гарадзенскай вобласці. Мае тры вышэйшыя адукацыі, жанаты, мае двое дзяцей. Да шклозавода «Нёман» працаваў дырэктарам прыватнага прадпрыемства «ОлексКар». Да таго, у 2005 годзе, быў прызначаны генеральным дырэктарам рэспубліканскага ўнітарнага прадпрыемства «Граніт».

У 2009 годзе супраць Ауткі пракуратура распачала крымінальную справу паводле факта злоўжывання службовымі паўнамоцтвамі падчас працы на «Граніце». Паводле версіі пракурораў, гендырэктар прычыніў прадпрыемству шкоду на суму больш за 348 млн рублёў (недэнамінаваных). Аднак тады справа да суда не дайшла - была спыненая. Але на «Граніт» кіраўнік не вярнуўся - стаў генеральным дырэктарам Берасцейскага гарадскога ЖКГ.

Нядаўна КДК правёў праверку «Нёмана». Высветлілася, што праведзеная ў 2006-2015 гадах маштабная мадэрнізацыя шклозавода сябе не апраўдала: прадпрыемства не змагло зарабіць неабходныя фінансавыя рэсурсы для стабільнай працы, а цяпер працягвае нарошчваць запазычанасці. Напрыклад, гадавы прыбытак шклозавода «Нёман» складае прыкладна 50 млн рублёў, а запазычанасцяў ужо назапасілася блізу 200. Пры гэтым завод адгружаў прадукцыю на экспарт цэнамі ніжэйшымі за сабекошт без ўзгаднення з Мінбудархітэктурай, канстатуюць у КДК. На шклозаводзе парыруюць: вымушаныя купляць газ утрая даражэй, чым аналагічныя прадпрыемствы ў Расеі, таму складана было заставацца канкурэнтаздольнымі. А абсталяванне не запускалася, каб не было новых запасаў прадукцыі і абавязкаў. Пры гэтым прадпрыемства стала разлічвацца са сваімі крэдыторамі.

Нядаўна ўлады павялічылі дзяржаўную долю ў ААТ «Шклозавод «Нёман» на суму раней аказанай дзяржаўнай падтрымкі, выдадзенай з рэспубліканскага бюджэту - 10,5 млн рублёў.