Парламент Літвы прадае аўтамабілі, што не выкарыстоўваюцца
3- 17.07.2018, 19:05
- 13,601
У аўкцыёне могуць удзельнічаць усе ахвочыя.
Парламенцкая канцылярыя прадае з аўкцыёну аўтамабілі, што не выкарыстоўваюцца. Пасля ўнутранага аўдыту было рашэнне адмовіцца ад часткі аўтамабіляў, бо яны маюць патрэбу ў большым доглядзе, а гэта каштуе нятанна, паведамляе delfi.lt са спасылкай на lrt.lt.
З аўкцыёну прададуць і аўтамабіль, на якім вазілі тагачаснага спікера парламента Літвы Чэславаса Юршэнаса. Усяго прададуць 16 старых BMW, Volkswagen і Audi і адзін аўтапагрузчык.
Падкрэсліваецца, што ўсе аўтамабілі ў добрым стане, аднак тэрмін дзеяння тэхагляду некаторых ужо мінуў. Мінімальны пачатковы кошт - 800 еўраў, самы дарагі аўтамабіль ацэнены ў 4000 еўраў.
Паводле звестак парламенцкай канцылярыі, пачатковы кошт устанавіла спецыяльная камісія, а ў аўкцыёне могуць удзельнічаць усе ахвочыя, якія пройдуць рэгістрацыю і заплацяць за ўдзел.
Пасля продажу гэтых аўто ў гаражы парламента застанецца 44 аўтамабілі, іх утрыманне абыходзіцца ў 1 млн. еўраў у год.