Сярэдні заробак палякаў вырас да $1320

У чэрвені сярэдні заробак у краіне-суседцы Беларусі вырас адразу на 7,5 адсоткаў.

Паводле звестак Галоўнага статыстычнага ўпраўлення Польшчы, у чэрвені гэтага года сярэдні заробак пазабюджэтнай сферы вырас на 7,5% у параўнанні з гэтым жа перыядам мінулага года і склаў 4 848 злотых 16 грошаў брута (1127,48 еўра), паведамляе «Радыё Польшча».

У сваю чаргу занятасць у чэрвені павялічылася на 3,7%. У фірмах, у якіх працуе больш за 9 чалавек, былі працаўладкаваныя больш за 6 мільёнаў 220 тысяч работнікаў.