Сіноптыкі: Заўтра зноў чакаюцца дождж і маланкі

Трэці дзень запар сіноптыкі абвяшчаюць аранжавы ўзровень небяспекі.

У Менску і іншых гарадах ў сераду, 18 ліпеня, зноў магчымыя падтапленні. Сіноптыкі абяцаюць навальніцы, абвешчаны аранжавы ўзровень небяспекі.

У дзённы час 18 ліпеня на большай частцы тэрыторыі чакаюцца навальніцы. У Менску ўдзень таксама чакаецца навальніца, паведамляе tut.by са спасылкай на Белгідрамет Мінпрыроды.

У сераду ўначы месцамі, удзень на большай частцы тэрыторыі краіны пройдуць кароткачасовыя дажджы. Тэмпература паветра мінімальная ўначы складзе 14... 19°С, максімальная ўдзень - + 23... 29°С.

Сіноптыкі абвяшчаюць штармавое папярэджанне трэці дзень запар. Праз моцныя дажджы здарыліся падтапленні ў Берасці і Менску. Праз непагадзь у сталіцы упаў рэкламны шчыт, у Горках сарвала дах бальніцы, паваленыя дрэвы. Сіноптыкі прагназуюць няўстойлівае надвор'е на гэтым тыдні.