«Вялікая сямёрка» заклікала Расею адказаць на пытанні аб «Боінгу» МН17

Вінаватыя ў катастрофе рэйса маюць панесці адказнасць.

Кіраўнікі міністэрстваў замежных спраў "Вялікай сямёркі" заклікалі Расею супрацоўнічаць са следствам у справе аб катастрофе на Данбасе малайзійскага Boeing МН17 у 2014 годзе. Заяву апублікавала міністэрства замежных спраў Канады 15 ліпеня.

"Мы, міністры замежных спраў краін "Вялікай сямёркі" - Канады, Францыі, Нямеччыны, Італіі, Японіі, Вялікабрытаніі і ЗША - і высокага прадстаўніка ЕЗ, адзіныя ў нашым асуджэнні ў максімальна магчымай ступені катастрофы цывільнага самалёта "малайзійскіх авіяліній" рэйса MH17 з Амстэрдама ў Куала-Лумпур 17 ліпеня 2014 года... Мы цалкам падтрымліваем працу Аб'яднанай следчай групы, незалежнага крымінальнага расследавання пад кіраўніцтвам Нідэрландаў, Аўстраліі, Бэльгіі, Малайзіі і Украіны. Высновы групы аб ролі Расеі ў збіванні MH17 з’яўляюцца пераканаўчымі, значнымі і глыбока трывожнымі", - адзначылі кіраўнікі МЗС G7.

У заяве гаворыцца, што ўсе краіны "Вялікай сямёркі" падтрымліваюць Аўстралію і Нідэрланды.

"Мы выступаем супраць беспакаранасці тых, хто ўдзельнічае ў агрэсіўных дзеяннях, якія пагражаюць міжнароднаму парадку ў кожны час і пры ўсякіх абставінах", - адзначаецца ў дакуменце. G7 намагае, што вінаватыя ў катастрофе маюць панесці адказнасць.

"З гэтай мэтай мы заклікаем Расею неадкладна звязацца з Аўстраліяй і Нідэрландамі, каб растлумачыць і даць адказы на пытанні, якія тычацца ўсякіх магчымых парушэнняў міжнароднага права", - гаворыцца ў лісце.

Boeing 777, які ляцеў з Амстэрдама ў Куала-Лумпур, пацярпеў катастрофу 17 ліпеня 2014 года паблізу Тарэза Данецкай вобласці. Загінулі ўсе 298 чалавек, якія знаходзіліся на борце. 26 верасня 2016 года Аб'яднаная следчая група (JIT) паведаміла, што рэйс MH17 быў збіты з расейскага комплексу "Бук" з тэрыторыі, падкантрольнай прарасейскім ваеўнікам.

Пасля катастрофы самалёта комплекс вярнулі ў РФ. 24 траўня 2018 следчыя ўдакладнілі, што "Бук" прыбыў на Данбас з Курскай вобласці, дзе базуецца 53. брыгада ўзброеных сіл РФ. Следчыя аднавілі маршрут, па якім перавозілі ўстаноўку. Украіна і Нідэрланды падпісалі пагадненне аб супрацоўніцтве ў справе МН17 у ліпені 2017 года.

Пагадненне прадугледжвае практычныя аспекты перадачы юрысдыкцыі ад Украіны да Нiдэрландаў, робіць магчымым удзел усіх падазраваных у злачынстве ў галандскім працэсе. Нідэрланды і Аўстралія афіцыйна абвінавацілі Расею ў загубе пасажыраў рэйса MH17.