Мінэнэрга ЗША прадказала новы рэкорд лупняковай здабычы

Хуткасць здабычы нафты значна перавышае сусветнай попыт.

Амэрыканскія лупняковыя кампаніі працягваюць павялічэнне аб'ёмаў здабычы нафты з хуткасцю, якая перавышае рост сусветнага попыту, піша finanz.ru.

У ліпені вытворчасць у асноўных лупняковых басэйнах дасягнула 7,327 барэляў за дзень, а сумарны паказчык у галіне зрабіў амэрыканскую лупняковую нафты трэцяй паводле аб'ёмаў на сусветным рынку пасля расейскай (11,2 барэляў на дзень) і савудаўскай (10,4 млн барэляў на дзень).

За месяц здабыча вырасла на 129 тысяч барэляў за дзень, з пачатку года - на 778 тысяч барэляў на дзень, а ў гадавым вымярэнні (у параўнанні з ліпенем мінулага года) - на 1,6 млн барэляў за дзень. Гэта больш, чым новы попыт у свеце, які МЭА ацэньвае на 1,4 млн барэляў штодня.

У жніўні, паводле прагнозу Мінэнэрга, лупняковыя кампаніі дададуць яшчэ 143 тысячы барэляў на дзень, а агульны аб'ём здабычы выйдзе на новы гістарычны рэкорд 7,47 барэляў за дзень.

Здабыча расце практычна франтальна, ва ўсіх без вынятках басэйнах, вынікае са справаздачы аб прадукцыйнасці свідравання, апублікаванага Агенцтвам энэргетычнай інфармацыі.

Прычым калі летась усплёску дапамагала павелічэнне аддачы радовішчаў, то пасля ўзлёту кошту да адзнак вышэйшых за 70 даляраў за барэль WTI пачалося далучэнне да дзейнасці дадатковых, перш нерэнтабельных пластоў.

Колькасць прасвідраваных, але не задзейнічаных свідравін (DUC) скарачаецца пяты месяц запар у Каларада - у чэрвені на 42 адзінкі, у траўні - на 48 адзінак.

Аб'ёмы здабычы ў басейне Ніябрара, размешчаным у штаце, выраслі на 150 тысяч барэляў на дзень за тры месяцы (да 611 тысяч барэляў), у выніку Каларада абміне ў лупняковай здабычы Каліфорнію ў наступныя месяцы, сказаў Bloomberg партнёр Lipow Oil Associates Эндру Ліпоў.

Зрэшты, у цэлым у ЗША колькасць свідравін, якія могуць быць уведзеныя ў эксплуатацыю, расце далей і на ліпень дасягнула рэкордных 7327 штук. Гэта амаль на 2 тысячы больш, чым на пачатку 2016 года, калі нафтавы рынак абрынуўся да 12-гадовых мінімумаў.

У доўгатэрміновай перспектыве гэта магчымасць для нафтавікоў аператыўна павялічыць здабычу і перашкода для павышэння кошту, кажа Ліпоў.

Пакуль жа на нафтавы рынак ціснуць асцярогі падзення попыту праз запаволенне сусветнай эканомікі, над якой навісла пагроза маштабных гандлёвых войнаў, адзначае дырэктар аналітычнага дэпартамента "Лока-інвест" Кірыл Трэмасаў.

На таргах у панядзелак кошт Brent абрынуўся на 4,6%, а ў аўторак абнавіў мінімум з красавіка - 71,35 даляра за барэль.