Ізраіль узмацніў эмбарга ў дачыненні да сэктару Газы

Пастаўкі паліва ў палестынскі анклаў будуць перанятыя.

Улады Ізраіля часова перапынілі пастаўкі паліва ў сэктар Газу ў сувязі з бесперапыннымі нападамі з тэрыторыі палестынскага анклава, замкнуўшы кантрольны пункт "Керэм-Шалом" - адзіны таварны пераход на мяжы з сэктарам Газай - для правозу газу і паліва. Пастанова прынятая ўзгоднена з вайсковым камандаваннем і дзейнічае да 22 ліпеня, паведаміў міністр абароны Ізраіля Авігдор Лібэрман у аўторак, 17 ліпеня, паведамляе dw.com.

Толькі гуманітарныя пастаўкі

Гуманітарныя пастаўкі, у тым ліку медыкаменты і прадукты харчавання, будуць прапускацца ў сэктар Газу пасля зацвярджэння паставак індывідуальна. Акрамя таго, Ізраіль зноў скараціў зону рыбалоўства для сэктара Газы ў акваторыі Міжземнага мора з шасці да трох марскіх міль (у пералічэнні з больш як 11 км да менш як 6 км).

Радыкальны палестынскі рух ХАМАС назваў пастанову ізраільскіх улад "злачынствам супраць чалавечнасці", пагражальнай "небяспечнымі наступствамі".

Паводле інфармацыі агенцтва KNA, улады Егіпта ў той жа дзень замкнулі памежны пункт Рафах. Пастанова прынятая з тэхнічных прычын, адзначаецца далей.

Абвастрэнне сітуацыі

За апошні дзень палестынцы выпусцілі з сэктару Газы па Ізраілі амаль 200 ракет і мін. Акрамя таго, ваеўнікі працягваюць накіроўванне ў бок Ізраіля паветраных балонаў з запальнай сумессю і выбуховымі прыладамі, якія выклікаюць вялікія пажары на поўдні краіны.

15 ліпеня палестынскія групоўкі ў сэктары Газе атакавалі Ізраіль, задзейнічаўшы 100 ракет і мінамёты, у выніку былі параненыя тры чалавекі ў горадзе Сдэроце. Ізраільскае войска адказала самымі магутнымі з 2014 года паветранымі ўдарамі па цэлях руху ХАМАС.

Сітуацыя ў рэгіёне абвастрылася з канца сакавіка, калі на мяжы Ізраіля і сэктару Газы пачаліся масавыя пратэсты палестынцаў, арганізаваныя ісламісцкіх рухам. Пры сутыкненнях пратэстоўцаў з ізраільскімі вайскоўцамі загінула 140 палестынцаў. З канца траўня ХАМАС пачаў ракетныя абстрэлы Ізраіля.