Чысты прыбытак беларускіх прадпрыемстваў скараціўся на 23,9%

Апублікаваныя звесткі аб фінансавых выніках работы арганізацый у студзені-траўні.

Ён ахоплівае буйныя і сярэднія арганізацыі так званага рэальнага сектара. У яго не ўключаюцца паказчыкі банкаў, страхавых арганізацый, бюджэтных і мікра- і малых прадпрыемстваў без ведамаснай падпарадкаванасці, павеламляе belmarket.by.

У студзені-траўні 2018 года чысты прыбытак рэальнага сектара скараціўся амаль на мільярд рублёў або на 23,9% і склаў 3,12 млрд. рублёў.

Пры гэтым даход прадпрыемстваў павялічыўся на 17,9% да 87,44 млрд. рублёў, а сабекошт - на 18,3% да 70,29 млрд. рублёў. Рэнтабельнасць продажаў паменшылася з 7,7% да 7,5%.