На ўездзе ў Менск транспарт прастаяў дзве гадзіны праз лужыну

Дажджавая каналізацыя не дала рады націску.

Пакуль адны менчукі разглядалі фатаграфіі затопленых дажджавой вадой кагадзе адкрытых вуліц Камсамольскай і Рэвалюцыйнай, разважаючы пра карысць рэканструкцыі, іншыя жыхары горада стаялі ў корку, прадыктаваным надвор'ем, піша onliner.by.

Затор з'явіўся праз тое, што грамадскі транспарт дзве гадзіны не мог праехаць праз вялікую лужыну, якая ўтварылася пад эстакадай на скрыжаванні МКАД - пр.Пераможцаў.

Як відаць на запісе чытача Аляксандра, пачатак праспекта быў падтоплены дажджавой вадой. З нейкай прычыны каналізацыя не дала рады націску. Кіроўцы аўтобусаў не адважыліся пераязджаць лужыну, ад чаго ўтварыўся затор. Як піша Аляксандр, з'езд з МКАД не перацялі, таму чарга аўтамабіляў вырасла яшчэ больш. Як выявілася, праз падтапленне затрымка ў руху аўтобусаў на гэтым адзінку склала цэлыя дзве гадзіны.

Падтапленне бачылі і на іншых вуліцах Менска. Вось, напрыклад, якая сітуацыя была зафіксаваная на вуліцы Ульянаўскай:

Паводле звестак сіноптыкаў, дажджы, а месцам навальніцы з залевамі працягнуцца да канца пятніцы. У канцы тыдня сітуацыя не моцна зменіцца. Дажджы з зменлівай хмарнасцю чакаюцца аж да канца наступнага працоўнага тыдня.