Самая танная кватэра ў беларускім райцэнтры каштуе $ 6,5 тысячы
6- 13.07.2018, 17:14
- 17,221
Журналісты знайшлі самы эканомны варыянт на рынку нерухомасці Беларусі.
У Беларусі можна набыць кватэру і за 3,5 тысячы даляраў – у аграгарадках на перыферыі і ў дамах барачнага тыпу. Ды і тыпавое жыллё ў райцэнтрах каштуе ў разы танней, чым у сталіцы. Tut.by адшукаў самую танную на гэты момант прапанову тыпавой кватэры ў Светлагорску – за 6,5 тысячы, ды яшчэ з гандлем.
Гаворка пра маласямейку плошчай 29 квадратных метраў. Пакой – 17, кухня – 5,4. Знаходзіцца на трэцім паверсе пяціпавярхоўкі на вуліцы Сацыялістычная. Выглядае як жыллё, што даўно не бачыла рамонту – але такога нямала і ў Менску.
Квадратны метр атрымліваецца 224 даляры. Калі пагандлявацца, выйдзе яшчэ менш.
Дарэчы, падобную маласямейку ў Мазыры можна набыць за 7,5 тысячы даляраў, у Оршы, Кобрыне – за 10,5 тысячы, у Берасці – за 18–20 тысячаў, у Менску – за 38 тысячаў даляраў.