Кошт нафты WTI ідзе да рэкорднага падзення

Кошты нафты эталонных марак змяняюцца падчас таргоў у пятніцу.

Падзенне каціроўкі паўночнаамерыканскай нафты WTI за тыдзень, магчыма, будзе самым значным за пяць месяцаў з-за эскалацыі гандлёвай вайны ЗША і Кітая і зняцця форс-мажору на здабычу і экспарт вуглевадародаў у Лібіі, паведамляе Інтэрфакс.

Кошт верасьнёўскіх ф'ючэрсаў на Brent на лонданскай біржы ICE Futures да 09:20 паводле менскага часу зменшыўся на $0,18 (0,24%) - да $74,27 за барэль.

WTI з пастаўкай у жніўні на электронных таргах Нью-ёркскай таварнай біржы (NYMEX) падаражэла дагэтуль на $0,07 (0,10%) - да $70,40 за барэль.

Па выніках таргоў у чацвер Brent дадала $1,05 (1,43%) і паднялася да $74,45 за барэль, а WTI патаннела на $0,05 (0,07%) - да $70,33 за барэль.

З пачатку тыдня WTI страціла 4,8% кошту, Brent - амаль 4%.

"Хоць праблемай з'яўляецца чаканае скарачэнне сусветнага попыту нафты праз гандлёвую вайну Кітая і ЗША, можа прайсці нейкі час, перш чым гэта адбудзецца. З іншага боку, зніжэнне здабычы можа быць рэалізавана досыць хутка, так што яно можа мець больш істотны непасрэдны ўплыў на рынак", - мяркуе галоўны эканаміст Japan Oil, Gas&Metals National Corp. Такаюкі Нагамі.

Як паведамлялася, прэзідэнт ЗША Дональд Трамп на гэтым тыдні даў загад пачаць працэдуру ўвядзення дадатковых 10% мыт на тавары з КНР агульным коштам $200 млрд, зрабіўшы тым самым яшчэ адзін крок у гандлёвай вайне двух краін.

Раней Трамп заяўляў, што ў выніку ён гатовы ўвесці дадатковыя тарыфы практычна на ўсе пастаўкі з Кітая, якія складаюць цяпер блізу $500 млрд на год, калі Пекін будзе адказваць на новыя мыты захадамі ў адказ і не пойдзе на саступкі.

Вераснёўскія ф'ючэрсы на нафту ў Шанхаі прадаюцца ў пятніцу за 490 юаняў за барэль, практычна не змяніўшыся з папярэдняй сесіі. На гэтым тыдні яны страцілі блізу 0,7%.