Калюжны сышоў з Федэрацыі хакея Беларусі
- 12.07.2018, 19:26
- 8,637
Найлепшы хакеіст Беларусі 2010 і 2015 гадоў пакінуў пасаду начальніка цэнтра падрыхтоўкі нацыянальных каманд.
«Аляксей абвясціў пра свой сыход адразу пасля чэмпіянату свету. Гэта ягонае жаданне і пастанова», - распавёў Tribuna.com прэс-сакратар Федэрацыі хакея Беларусі Ілля Коласаў.
Нагадаем, што найлепшы хакеіст Беларусі 2010 і 2015 гадоў займаў гэтую пасаду з 2 сакавіка 2018 года.
Цяпер пасада начальніка цэнтра застаецца вакантнай. Да Калюжнага пасаду займаў Арцемій Старынскі.
Пасля заканчэння кар'еры ў 2016-м годзе Калюжны выступаў у якасці экспэрта на ТВ і выступаў на аматарскіх турнірах.
