На Беларусь ідзе навальнічны фронт з градам

Сіноптыкі абвясцілі аранжавы ўзровень небяспекі.

Сёння Беларусь апынулася пад уплывам атмасфернага фронту, які перамяшчаецца з тэрыторыі Польшчы ва ўсходнім кірунку. Ён прынясе з сабой дажджы, месцамі з навальніцамі - ужо цяпер надвор'е пагаршаецца на захадзе краіны. Пра гэта паведамілі ў Белгідрамеце Мінпрыроды.

На найбліжэйшыя дні сіноптыкі абвясцілі аранжавы ўзровень небяспекі: чакаюцца дажджы з навальніцамі, месцамі моцныя дажджы. У асобных раёнах прагназуюць шквалісты вецер парывамі да 15-20 м/с і нават град (у асноўным, на паўднёвым усходзе).

Сіноптыкі адзначаюць, што да выхадных спякота спадзе, але ўсё адно будзе па-летняму цёпла. У найбліжэйшыя дні надвор'е будзе няўстойлівае.