Уначы жыхароў Светлагорска разбудзіў гучны 40-хвілінны гул

Мясцовыя падумалі, што справа ў нядаўна адкрытым скандальным заводзе беленай цэлюлозы.

Гэтай ноччу жыхароў Светлагорска спалохаў гучны гул, які быў чутны з усякага месца горада. Мясцовыя падумалі, што справа ў нядаўна адкрытым заводзе беленай цэлюлозы. Але, як выявілася, ён ні пры чым. Гула ЦЭЦ, піша tut.by.

- Вельмі моцны гул з прысвістваннем. Быццам па чыгунцы гоняць цяжкі даўжэзны пусты цягнік, - распавядаюць мясцовыя жыхары.

Усё прадаўжалася хвілін 40.

На ЦЭЦ растлумачылі, што на прадпрыемстве паўстала аварыйная сітуацыя. Больш падрабязна пракаментаваць інцыдэнт пакуль няма каму - усё кіраўніцтва на аб'екце, сказалі ў прыёмнай.