У Менску хочуць падняць кошт праезду ў гарадскім транспарце
28- 11.07.2018, 19:03
- 17,045
Пытанне знаходзіцца ў стадыі абмеркавання.
У Менску разглядаюць магчымасць падняць тарыфы на праезд у гарадскім грамадскім транспарце. Паводле Інфармацыі tut.by, кошт праезду прапануюць павысіць на 5 капеек: у наземным - да 65 капеек, а ў метро - да 70 капеек. Канкрэтныя тэрміны павышэння тарыфаў на праезд пакуль не паведамляюцца, цяпер праходзіць іх узгадненне ў МАРГ.
Цяпер гэта пытанне знаходзіцца ў стадыі абмеркавання. Канчатковыя тарыфы на праезд у гарадскім транспарце будуць вядомыя толькі пасля прыняцця пастановы Менгарвыканкамам.
Адна з прапаноў - падняць кошт квітка пры куплі ў кіроўцы да 1 рубля. Цяпер кошт складае 65 капеек. Нагадаем, такое новаўвядзенне прапаноўвалася ўвесці яшчэ летась. Аднак пазней ад гэтых планаў наважылі адмовіцца.
Апошнім разам кошт праезду ў гарадскім грамадскім транспарце ў Менску вырас 1 лістапада мінулага года - на 5 капеек.