Шэсць міфаў пра загар, у якіх варта разабрацца перад паходам на пляж

Гарачы летні сезон у самым разгары, але, адпраўляючыся на пляж, варта падумаць не толькі пра прыгожы загар, але і здароўе.

Вельмі часта сонечныя апёкі ўзнікаюць з прычыны недаацэнкі згубнага ўплыву сонца або адсутнасці эфектыўнай абароны ад пякучых прамянёў. Акрамя апёкаў, няведанне таго, як правільна загараць, можа правакаваць утварэнне маршчакоў, пігментных плям і нават рака скуры.

Каб не сутыкнуцца з непрыемнымі наступствамі загару, партал Harper's Bazaar (пераклад — nv.ua) папрасіў брытанскага дэрматолага Дэніэла Гласа выкрыць найбольш папулярныя міфы пра загар.

Шэсць міфаў пра загар, у якіх важна разабрацца:

Міф 1. У цені згарэць немагчыма. Агульнай памылкай многіх пляжнікаў з'яўляецца вера ў тое, што яны не могуць згарэць у цені. Многія з нас, каб «адпачыць» ад сонца, кладуцца пад парасонам ці пад дрэвам. Напраўду згарэць можна, нават не падазраючы пра гэта. Ультрафіялетавае выпраменьванне адлюстроўваецца ад навакольных паверхняў, ці то вада, пясок або нават снег, і згубна ўздзейнічаюць на скуру.

Таму сонцаахоўныя сродкі трэба наносіць рэгулярна, нават калі вы ляжыце ў цені.

Міф 2. Сонечныя апёкі абсалютна бясшкодныя. Многія людзі ўпэўненыя ў тым, што калі яны выпадкова згарэлі, то скура адновіцца і нічога страшнага не адбудзецца. Так, апёк падчас загару не абавязкова пацягне за сабой рак скуры, але і павысіць рызыку яго ўзнікнення. Нядаўняе даследаванне, у якім навукоўцы назіралі за 100 тысяч чалавек, паказала, што адзін сонечны апёк, атрыманы ва ўзросце ад 15 да 25 гадоў, павялічвае рызыку развіцця меланомы больш чым на 50%.

Так што, калі вы схільныя згараць, паспрабуйце лепш паклапаціцца аб абароне ад сонца падчас чарговага паходу на пляж.

Міф 3. У пахмурнае надвор'е згарэць немагчыма. Калі на вуліцы пахмурна, вы можаце атрымаць яшчэ больш моцны сонечны апёк, чым пры яркім сонцы. У пахмурны дзень малаверагодна, што вы зразумееце, наколькі магутныя ультрафіялетавыя прамяні. У такое надвор'е людзі становяцца больш разняволенымі ў дачыненні да прымянення сонцаахоўнага крэму, а дарма.

Міф 4. Калі ў вас смуглявая скура, сонцаахоўны крэм вам не патрэбны. Незалежна ад таго, цёмная або светлая ў вас скура, вы заўсёды рызыкуеце атрымаць сонечны апёк. Так, высокі ўзровень меланіну, вядома, дадае некаторую абарону ад сонца, але цалкам ад пякучых прамянёў і рызыкі развіцця рака не ратуе.

Міф 5. Калі вы выкарыстоўваеце крэм з высокім SPF, вам не трэба наносіць яго часта. Не бывае на 100% эфектыўнага сонцаахоўнага сродку. Нават тыя крэмы, на этыкетках якіх пазначана абарона цягам цэлага дня, не дадуць вам гэтай абароны. Таму вы павінны пераканацца, што выкарыстоўваеце крэм часта.

Міф 6. «Рак скуры мяне ніколі не закране». Большасць людзей ўпэўненыя, што страшнае захворванне – гэта тое, што адбываецца з кімсьці іншым, але не з імі. Думаць пазітыўна – гэта правільна, але не варта грэбаваць рэкамендацыямі дэрматолагаў і загараць на сонцы, не думаючы аб наступствах. Ваша легкадумная пазіцыя можа выйсці вам бокам. Таму карыстайцеся сонцаахоўным сродкам, сочыце за часам, праведзеным на сонца, і не ганіцеся за ідэальным бронзавым загарам. Найперш, турбуйцеся пра здароўе.