Расейцы збяднелі на 1,5 трыльёна рублёў праз санкцыі

Санкцыі маюць задушлівы эфект для РФ.

Расейскія грамадзяне сталі галоўнымі пацярпелымі ў санкцыйнай вайне Расеі з Захадам, якая разгарэлася пасля анэксіі Крыма ў 2014 годзе і ўдару па малазійскім Boeing над Данбасам, паведамляе finanz.ru.

Хоць пад санкцыямі аказалася 20% расейскай эканомікі з выручкай 30 трлн рублёў у год, а банкі і дзяржкарпарацыі былі адрэзаныя ад міжнародных рынкаў капіталу і былі вымушаныя выплачваць замежную запазычанасць, якая перавышала 700 млрд даляраў, на іх рэнтабельнасці трапленне ў «чорныя спісы» ЗША і Еўразвязу адбілася слаба, падлічылі аналітыкі АКРА.

Так, рэнтабельнасць банкаўскага сектару за час санкцый упала на 0,8 адсоткавага пункта, але галоўным чынам праз рэцэсіі ў эканоміцы і крызісу неплацяжоў. Рэнтабельнасць нафтагазавых кампаній скарацілася на 1,6 п.п, але прычынай таму сталі не санкцыі, а, у першую чаргу, падатковы манеўр расейскага ўрада.

Заплаціць за санкцыйны канфлікт давялося насельніцтву, адзначае АКРА, прычым асноўны ўдар прыйшоў не з боку Захаду, а праз меры ў адказ уладаў РФ.

У рамках контрсанкцый быў забаронены імпарт агародніны, садавіны, мяса, сыроў ды іншага харчавання, праз чаго падаражэў спажывецкі кошык. Людзям давялося больш плаціць за тавары базавай неабходнасці, у выніку рэальныя наяўныя даходы аселі на 2-3%.

З улікам таго, што Расстат ацэньвае сумарныя даходы насельніцтва прыкладна ў 50 трыльёнаў рублёў у год, уключаючы ў гэтую суму як заробкі і пенсіі, так і даходы ад бізнэсу і ўласнасці, у гадавым выразе насельніцтва збяднела на 1,5 трыльёна рублёў.

Пры гэтым «негатыўны ўклад контрсанкцый не быў кампенсаваны станоўчым эфектам росту вытворчасці ў сектары АПК», падлічылі ў АКРА: хоць замяшчальная сельгасвытворчасць дадала каля 1 адсоткавага пункта да ВУП, гэты рост «быў пераважна абумоўлены інвестыцыямі 2010-2013 гг, калі санкцыйная вайна і эканамічная ізаляцыя не сніліся нават у кашмарах.

«Рост вытворчасці ў сектары АПК, непасрэдна звязаны з контрсанкцыямі, не перавысіў 0,1 п. п»., - гаворыцца ў дакладзе агенцтва.

Санкцыі працягнуць стрымліваць рост расейскай эканомікі, і так абмежаваны планкай у 1,5% у год праз скарачэнне працаздольнага насельніцтва, папярэджвае АКРА. Прычым, санкцыйны эфект будзе нарастаць са сканчэння часу і ўзмацняцца.

Галоўная рызыка - гэта скасаванне сумесных тэхналагічных праектаў і зніжэнне здабычы нафты і газу, якое пачнецца ў 2020-х гадах праз адсутнасць у РФ сучаснага абсталявання.

Санкцыі маюць задушлівы эфект, які дзейнічае паводле прынцыпу складанага працэнта: праз іх да 2025 года Расея можа страціць 5% нафтаздабычы, а да 2030-га - блізу 10%, прагназуе дырэктарка энэргетычнага цэнтра «Сколкава» Таццяна Мітрова.

За 4 гады санкцый у Расеі так і не было выраблена ніводнага флоту для гідраразрыву пласта, а той флот, які ёсць, зношваецца і патрабуе замены, нагадвае яна.

Галоўнай прычынай спаду здабычы ў 2020-х «можа стаць не столькі адсутнасць доступу да заходніх тэхналогіях для рэалізацыі новых праектаў, колькі адсутнасць тэхналагічных магчымасцяў па інтэнсіфікацыі здабычы на дзейных радовішчах», папярэджвае Мітрова.