Улады падрыхтавалі «сюрпрыз» для арандатараў гандлёвай нерухомасці

Арандатары камерцыйнай нерухомасці будуць па-новаму плаціць за ЖКП і ўтрыманне памяшканняў.

Савет міністраў зацвердзіў новае Палажэнне аб парадку аплаты арандатарамі (пазыкаатрымальнікамі) расходаў па ўтрыманні, эксплуатацыі, рамонце здадзенай у арэнду (перададзенай у бязвыплатнае карыстанне) нерухомай маёмасці, выдаткаў на санітарнае ўтрыманне, камунальныя і іншыя паслугі, піша «Ежедневник».

Дзеянне Палажэння не распаўсюджваецца на жыллёвы фонд, а тычыцца выключна камерцыйнай нерухомасці.

Згодна з дакументам, парадак, тэрміны і сумы кампенсацыі выдаткаў арэндадаўцаў (пазыкадавальнікаў) вызначаюцца бакамі ў адпаведнасці з названым Палажэннем пры ўкладанні дамоў арэнды (бязвыплатнага карыстання) і адлюстроўваюцца ў такіх дамовах альбо ў асобна ўкладзеных дамовах на аплату расходаў. Сума кампенсацыі выдаткаў арэндадаўцаў (пазыкадавальнікаў) павінна быць пацверджаная разлікамі і (або) калькуляцыямі, што складаюцца арэндадаўцамі (пазыкадавальнікамі).

Даваць тлумачэнні ў пытаннях прымянення Палажэння ўпаўнаважанае Міністэрства жыллёва-камунальнай гаспадаркі.

Пастанова савета міністраў ад 27 траўня 2009 года №683 «Аб зацвярджэнні Палажэння аб парадку кампенсацыі арганізацыямі расходаў абслугоўвання будынкаў, збудаванняў і памяшканняў, перададзеных ім бюджэтнымі арганізацыямі ў бязвыплатнае карыстанне або арэнду» прызнаная не дзейнай.

Дакумент уваходзіць у дзеянне праз тры месяцы пасля яго афіцыйнага апублікавання.