У Беларусі прайшоў першы выпуск курсаў украінскай мовы
2- 8.06.2018, 20:43
- 11,405
Блізу ста чалавек у Менску і Гомелі ў мінулым навучальным годзе наведвалі курсы ўкраінскай мовы.
Больш за палову з іх паспяхова здалі выніковы экзамен і атрымалі сертыфікаты розных ступеняў, паведамляе «Радыё Свабода».
Большасць курсантаў - дарослыя, але былі асобныя курсы і для дзяцей. Курсы арганізавала ўкраінская дыяспара, пасольства Украіны ў Беларусі і Таварыства беларускай мовы імя Францыска Скарыны (ТБМ), якое дала памяшканне.
Урачыстае ўручэнне сертыфікатаў на веданне ўкраінскай мовы прайшло 8 чэрвеня ў пасольстве Украіны ў Менску.
Са слоў пасла Ігара Кізімы, мінулы навучальны год для курсаў быў паспяховым, заняткі будуць працягвацца і налета.
«Наша мэта ў тым, каб даць магчымасць усім ахвочым вывучаць украінскую мову і зрабіць уклад у развіццё добрых стасункаў і сяброўства паміж Украінай і Беларуссю», - сказаў Ігар Кізіма.