Памёр актор, які сыграў Лёньку ў фільме «Каханне і галубы»
- 8.06.2018, 16:16
- 20,484
Ігар Лях пайшоў з жыцця ў 55 гадоў.
Заслужаны артыст Расеі Ігар Лях памёр ва ўзросце 55 гадоў. Пра гэта ў пятніцу, 8 чэрвеня, паведаміў актор МХАТ імя Горкага Дзмітрый Карэпін у Facebook.
У Вышэйшым тэатральным вучылішчы імя Шчэпкіна, дзе Лях выкладаў на кафедры майстэрства актора, «Ленте.Ру» адмовіліся пацвердзіць або зняпраўдзіць інфармацыю аб ягонай смерці.
Лях найбольш вядомы па ролі Лёнькі ў фільме Уладзіміра Мяньшова «Каханне і галубы». Акрамя гэтага, ён сыграў галоўныя ролі ў стужках «Жыў-быў Шышла» і «Ха-бі-Асы», зняўся ў стужках «Недаростак», «Змова скурлатаеў», «Ёлкі 3», «Тарыф навагодні» і «Смага». Званне заслужанага артыста Расеі Лях атрымаў у 1997 годзе.
21 красавіка памерла народная артыстка Расеі Ніна Дарошына, якая выканала галоўную ролю ў фільме «Каханне і галубы». Ёй было 83 гады.