У Пецярбургу ў «мост глупства» ўрэзалася чарговая «Газэль»
8- 4.06.2018, 20:22
- 24,132
Грузавік стаў 151-й «Газэллю», што ўрэзалася ў мост.
У Санкт-Пецярбургу ў «мост глупства» ўрэзалася чарговая «Газель». Аўтамабіль з адкрытым кузавам перавозіў біятуалет, паведамляе «Медуза».
«Мост глупства» размяшчаецца на ўскраіне Пецярбурга на скрыжаванні Сафійскай вуліцы і Ленсаветаўскай дарогі. На ім вісіць папярэджанне «Небяспечна! Нізкі мост. «Газель» не праедзе!». Грузавік, які перавозіў біятуалет, стаў 151-й «Газэллю», што ўрэзалася ў мост.
Пока вешают цепи, полюбуйтесь на фото позавчерашней биотуалетной истории. pic.twitter.com/W29f2mJBRb
— Мост глупости (@FoolsBridge) 4 июня 2018 г.
У дзень горада, 27 траўня, пад мостам засела 150-я «Газель». Тады паблік «Лентач» вывесіў на мосце банер «Ужо 150 газэлек».
Як паведамляе выданне «Карповка», 4 чэрвеня перад мостам павесілі ланцуг, які, як мяркуецца, будзе папярэджваць кіроўцу пра занадта высокі кузаў.
