Складзены рэйтынг самай карыснай гародніны
3- 30.06.2018, 10:20
- 14,650
Сезон свежай гародніны ў самым разгары і трэба паспець узбагаціць свой рацыён летнімі суперпрадуктамі.
Гародніна - выдатная крыніца рэчываў, якія аказваюць каласальную карысць здароўю. Таму дыетолагі рэкамендуюць уключаць іх у свой рацыён кожны дзень і пажадана - есці ў свежым выглядзе, бо так яны захоўваюць максімум пажыўнай каштоўнасці і вітамінаў.
Дачнікі ўжо збіраюць ураджаі на сваіх участках і калі вы належыце да іх ліку, то вам вельмі пашанцавала. Калі ж уласнага агарода ў вас няма, то старайцеся выдзяляць з бюджэту грошы на куплю свежай сезоннай гародніны і зеляніны, а эканоміць лепш на булках, фаст-фудзе, каўбасе і іншых шкодных для здароўя прадуктах.
Дыетолагі склалі рэйтынг самай карыснай гародніны:
1. Зялёная цыбуля - змяшчае шмат вітаміна С, а таму здольная ўмацаваць імунітэт. Да таго ж, яна карысная для рэпрадуктыўнай сістэмы, так што тым, хто плануе цяжарнасць, варта часцей есці зялёную цыбулю. А яшчэ, са слоў навукоўцаў, гэты прадукт спрыяе падцягванню скуры, таму тых, хто худнее яны раяць есці яе, каб не дапусціць абвісання жывата.
2. Рэвень - паляпшае страваванне і паскарае абмен рэчываў, таму лекары рэкамендуюць есці яго пры запорах і калі трэба пазбавіцца ад лішняй вагі.
3. Радыска - змяшчае амега-3 тлустыя кіслоты, якія чысцяць і ў цэлым клапоцяцца пра здароўе крывяносных сасудаў. Дарэчы, радыска эфектыўна выводзіць лішнюю вадкасць з арганізма.
4. Шчаўе - гэта прыродны агульнаўмацавальны сродак, які падвышае тонус арганізма. Плюс да ўсяго, шчаўе ўзбагачае кроў кальцыем і вітамінамі групы В, што карысна для костак і зубоў, нервовай і сардэчна-сасудзістай сістэм, а таксама мозгу.
5. Памідоры - крыніца антыаксідантаў, якія аказваюць на арганізм амаладжальнае ўздзеянне, і лікапіну, які абараняе скуру ад шкоднага ўльтрафіялетавага выпраменьвання.
Старайцеся есці вышэйпералічаную гародніну і зеляніну штодня, з іх дапамогай ваша здароўе значна палепшыцца.