Пяць галоўных правіл бяспечнай язды ў спёку
6- 28.06.2018, 19:18
- 18,316
Экспэрты назвалі пяць самых важных правілаў, якія варта выконваць падчас спякоты кіроўцам.
Першая парада заключаецца ў праветрыванні аўто. Калі на вуліцы больш за 30 градусаў спякоты, то ў салоне тэмпература можа дасягнуць і 60 градусаў. Такія ўмовы выклічуць выпарэнне атрутных рэчываў ад аздаблення, піша belnovosti.by.
Другая парада - рэгулярна мыць аўто. Бруд на кузаве спрыяе хутчэйшаму награванню пад пякучым сонцам.
Калі аўтамабіль стаіць у корку, або з нейкіх прычын давялося доўга стаяць на адкрытым месцы, варта адключаць рухавік, каб не выклікаць перагрэў.
Падчас руху прытрымлівайцеся бяспечнай дыстанцыі паміж аўтамабілямі, бо ў спякоту дарога можа пакрыцца тонкай алеістай плёнкай, што прывядзе да павелічэння тармазнога шляху.
І самая галоўная парада, якой неабходна прытрымлівацца пры любым надвор'і: сачыце за сваім станам і не садзіцеся за стырно стомленымі або соннымі. Зніжаная рэакцыя можа прывесці да непапраўных наступстваў.