ЦТ па беларускай мове на 100 балаў напісаў 21 чалавек
- 25.06.2018, 20:11
- 10,397
Сталі вядомыя вынікі ЦТ па беларускай мове.
У выхадныя сталі вядомыя вынікі цэнтралізаванага тэставання па беларускай мове. Максімальныя сто балаў па гэтым прадмеце набраў 21 абітурыент, паведамляе tut.by.
Усяго, як паведамлялі ў Рэспубліканскім інстытуце кантролю ведаў, тэст па мове гэтым летам пісала блізу 24 тысяч чалавек. Трое з іх атрымалі нуль балаў.
- Сярэдні бал усіх, хто здаваў беларускую мову, амаль 36 балаў, - распавядае Юрый Міксюк, дырэктар РІКВ.
Са слоў кіраўніка Рэспубліканскага інстытута кантролю ведаў, вынікі ЦТ па расейскай мове, хутчэй за ўсё, будуць гатовыя ўжо ў аўторак. Нагадаем, тэставанне ў гэтым прадмеце сёлета абітурыенты пісалі 14 чэрвеня. Праверка бланкаў займае 10-12 працоўных дзён.
Цэнтралізаванае тэставанне працягваецца. Заўтра хлопцы і дзяўчаты будуць здаваць фізіку.
Фізіка | 26 чэрвеня, аўторак |
Гісторыя Беларусі | 28 чэрвеня, чацвер |
Геаграфія | 30 чэрвеня, субота |
Сусветная гісторыя (найноўшы час) | 2 ліпеня, панядзелак |
Сертыфікаты пачнуць выдаваць з 10 ліпеня.
Зарэгістравацца, каб прайсці ЦТ у рэзервовыя дні, можна з 30 чэрвеня да 3 ліпеня. Цэнтралізаванае тэставанне ў гэтыя дні будзе праходзіць у Беларускім дзяржаўным універсітэце.